Psalm 72 WLC 1לשלמה ׀ אלהים משפטיך למלך תן וצדקתך לבן־מלך׃ 2ידין עמך בצדק וענייך במשפט׃ 3ישאו הרים שלום לעם וגבעות בצדקה׃ 4ישפט ׀ עניי־עם יושיע לבני אביון וידכא עושק׃ 5ייראוך עם־שמש ולפני ירח דור דורים׃ 6ירד כמטר על־גז כרביבים זרזיף ארץ׃ 7יפרח־בימיו צדיק ורב לום עד־בלי ירח׃ 8וירד מים עד־ים ומנהר עד־אפסי־ארץ׃ 9לפניו יכרעו ציים ואיביו עפר ילחכו׃ 10מלכי תרשיש ואיים מנחה ישיבו מלכי שבא וסבא אשכר יקריבו׃ 11וישתחוו־לו כל־מלכים כל־גוים יעבדוהו׃ 12כי־יציל אביון משוע ועני ואין־עזר לו׃ 13יחס על־דל ואביון ונפשות אביונים יושיע׃ 14מתוך ומחמס יגאל נפשם וייקר דמם בעיניו׃ 15ויחי ויתן־לו מזהב שבא ויתפלל בעדו תמיד כל־היום יברכנהו׃ 16יהי פסת־בר ׀ בארץ בראש הרים ירעש כלבנון פריו ויציצו מעיר כעשב הארץ׃ 17יהי שמו לעולם לפני־שמש [ינין כ] (ינון ק) שמו ויתברכו בו כל־גוים יאשרוהו׃ 18ברוך ׀ יהוה אלהים אלהי ישראל עשה נפלאות לבדו׃ 19וברוך ׀ שם כבודו לעולם וימלא כבודו את־כל הארץ אמן ׀ ואמן׃ 20כלו תפלות דוד בן־ישי׃ Hebrew OT: WLC (Consonants Only) For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Bible Hub |
    |