1 Chronicles 1
Study Bible
Adam's Line to Noah

אָדָ֥ם  שֵׁ֖ת  אֱנֽוֹשׁ׃  קֵינָ֥ן  מַהֲלַלְאֵ֖ל  יָֽרֶד׃  חֲנ֥וֹךְ  מְתוּשֶׁ֖לַח  לָֽמֶךְ׃  נֹ֥חַ  שֵׁ֖ם  חָ֥ם  וָיָֽפֶת׃  ס 

Descendants of Japheth

בְּנֵ֣י  יֶ֔פֶת  גֹּ֣מֶר  וּמָג֔וֹג  וּמָדַ֖י  וְיָוָ֣ן  וְתֻבָ֑ל  וּמֶ֖שֶׁךְ  וְתִירָֽס׃  ס  וּבְנֵ֖י  גֹּ֑מֶר  אַשְׁכֲּנַ֥ז  וְדִיפַ֖ת  וְתוֹגַרְמָֽה׃  וּבְנֵ֥י  יָוָ֖ן  אֱלִישָׁ֣ה  וְתַרְשִׁ֑ישָׁה  כִּתִּ֖ים  וְרוֹדָנִֽים׃  ס 

Descendants of Ham

בְּנֵ֖י  חָ֑ם  כּ֥וּשׁ  וּמִצְרַ֖יִם  פּ֥וּט  וּכְנָֽעַן׃  וּבְנֵ֣י  כ֔וּשׁ  סְבָא֙  וַחֲוִילָ֔ה  וְסַבְתָּ֥א  וְרַעְמָ֖א  וְסַבְתְּכָ֑א  וּבְנֵ֥י  רַעְמָ֖א  שְׁבָ֥א  וּדְדָֽן׃  ס  10 וְכ֖וּשׁ  יָלַ֣ד  אֶת־  נִמְר֑וֹד  ה֣וּא  הֵחֵ֔ל  לִהְי֥וֹת  גִּבּ֖וֹר  בָּאָֽרֶץ׃  ס 

11 וּמִצְרַ֡יִם  יָלַ֞ד  אֶת־  [לוּדִיִּים  כ]  (לוּדִ֧ים  ק)  וְאֶת־  עֲנָמִ֛ים  וְאֶת־  לְהָבִ֖ים  וְאֶת־  נַפְתֻּחִֽים׃  12 וְֽאֶת־  פַּתְרֻסִ֞ים  וְאֶת־  כַּסְלֻחִ֗ים  אֲשֶׁ֨ר  יָצְא֥וּ  מִשָּׁ֛ם  פְּלִשְׁתִּ֖ים  וְאֶת־  כַּפְתֹּרִֽים׃  ס 

13 וּכְנַ֗עַן  יָלַ֛ד  אֶת־  צִיד֥וֹן  בְּכֹר֖וֹ  וְאֶת־  חֵֽת׃  14 וְאֶת־  הַיְבוּסִי֙  וְאֶת־  הָ֣אֱמֹרִ֔י  וְאֵ֖ת  הַגִּרְגָּשִֽׁי׃  15 וְאֶת־  הַחִוִּ֥י  וְאֶת־  הַֽעַרְקִ֖י  וְאֶת־  הַסִּינִֽי׃  16 וְאֶת־  הָאַרְוָדִ֥י  וְאֶת־  הַצְּמָרִ֖י  וְאֶת־  הַֽחֲמָתִֽי׃  ס 

Descendants of Shem

17 בְּנֵ֣י  שֵׁ֔ם  עֵילָ֣ם  וְאַשּׁ֔וּר  וְאַרְפַּכְשַׁ֖ד  וְל֣וּד  וַאֲרָ֑ם  וְע֥וּץ  וְח֖וּל  וְגֶ֥תֶר  וָמֶֽשֶׁךְ׃  ס  18 וְאַרְפַּכְשַׁ֖ד  יָלַ֣ד  אֶת־  שָׁ֑לַח  וְשֶׁ֖לַח  יָלַ֥ד  אֶת־  עֵֽבֶר׃  19 וּלְעֵ֥בֶר  יֻלַּ֖ד  שְׁנֵ֣י  בָנִ֑ים  שֵׁ֣ם  הָאֶחָ֞ד  פֶּ֗לֶג  כִּ֤י  בְיָמָיו֙  נִפְלְגָ֣ה  הָאָ֔רֶץ  וְשֵׁ֥ם  אָחִ֖יו  יָקְטָֽן׃  20 וְיָקְטָ֣ן  יָלַ֔ד  אֶת־  אַלְמוֹדָ֖ד  וְאֶת־  שָׁ֑לֶף  וְאֶת־  חֲצַרְמָ֖וֶת  וְאֶת־  יָֽרַח׃  21 וְאֶת־  הֲדוֹרָ֥ם  וְאֶת־  אוּזָ֖ל  וְאֶת־  דִּקְלָֽה׃  22 וְאֶת־  עֵיבָ֥ל  וְאֶת־  אֲבִימָאֵ֖ל  וְאֶת־  שְׁבָֽא׃  23 וְאֶת־  אוֹפִ֥יר  וְאֶת־  חֲוִילָ֖ה  וְאֶת־  יוֹבָ֑ב  כָּל־  אֵ֖לֶּה  בְּנֵ֥י  יָקְטָֽן׃  ס 

24 שֵׁ֥ם ׀  אַרְפַּכְשַׁ֖ד  שָֽׁלַח׃  25 עֵ֥בֶר  פֶּ֖לֶג  רְעֽוּ׃  26 שְׂר֥וּג  נָח֖וֹר  תָּֽרַח׃  27 אַבְרָ֖ם  ה֥וּא  אַבְרָהָֽם׃  ס 

Descendants of Abraham

28 בְּנֵי֙  אַבְרָהָ֔ם  יִצְחָ֖ק  וְיִשְׁמָעֵֽאל׃  ס  29 אֵ֖לֶּה  תֹּלְדוֹתָ֑ם  בְּכ֤וֹר  יִשְׁמָעֵאל֙  נְבָי֔וֹת  וְקֵדָ֥ר  וְאַדְבְּאֵ֖ל  וּמִבְשָֽׂם׃  30 מִשְׁמָ֣ע  וְדוּמָ֔ה  מַשָּׂ֖א  חֲדַ֥ד  וְתֵימָֽא׃  31 יְט֥וּר  נָפִ֖ישׁ  וָקֵ֑דְמָה  אֵ֥לֶּה  הֵ֖ם  בְּנֵ֥י  יִשְׁמָעֵֽאל׃  ס  32 וּבְנֵ֨י  קְטוּרָ֜ה  פִּילֶ֣גֶשׁ  אַבְרָהָ֗ם  יָלְדָ֞ה  אֶת־  זִמְרָ֧ן  וְיָקְשָׁ֛ן  וּמְדָ֥ן  וּמִדְיָ֖ן  וְיִשְׁבָּ֣ק  וְשׁ֑וּחַ  וּבְנֵ֥י  יָקְשָׁ֖ן  שְׁבָ֥א  וּדְדָֽן׃  ס  33 וּבְנֵ֣י  מִדְיָ֗ן  עֵיפָ֤ה  וָעֵ֙פֶר֙  וַחֲנ֔וֹךְ  וַאֲבִידָ֖ע  וְאֶלְדָּעָ֑ה  כָּל־  אֵ֖לֶּה  בְּנֵ֥י  קְטוּרָֽה׃  ס 

Descendants of Isaac

34 וַיּ֥וֹלֶד  אַבְרָהָ֖ם  אֶת־  יִצְחָ֑ק  ס  בְּנֵ֣י  יִצְחָ֔ק  עֵשָׂ֖ו  וְיִשְׂרָאֵֽל׃  ס  35 בְּנֵ֖י  עֵשָׂ֑ו  אֱלִיפַ֛ז  רְעוּאֵ֥ל  וִיע֖וּשׁ  וְיַעְלָ֥ם  וְקֹֽרַח׃  ס  36 בְּנֵ֖י  אֱלִיפָ֑ז  תֵּימָ֤ן  וְאוֹמָר֙  צְפִ֣י  וְגַעְתָּ֔ם  קְנַ֖ז  וְתִמְנָ֥ע  וַעֲמָלֵֽק׃  ס  37 בְּנֵ֖י  רְעוּאֵ֑ל  נַ֥חַת  זֶ֖רַח  שַׁמָּ֥ה  וּמִזָּֽה׃  ס  38 וּבְנֵ֣י  שֵׂעִ֔יר  לוֹטָ֥ן  וְשׁוֹבָ֖ל  וְצִבְע֣וֹן  וַֽעֲנָ֑ה  וְדִישֹׁ֥ן  וְאֵ֖צֶר  וְדִישָֽׁן׃  39 וּבְנֵ֥י  לוֹטָ֖ן  חֹרִ֣י  וְהוֹמָ֑ם  וַאֲח֥וֹת  לוֹטָ֖ן  תִּמְנָֽע׃  ס  40 בְּנֵ֣י  שׁוֹבָ֔ל  עַלְיָ֧ן  וּמָנַ֛חַת  וְעֵיבָ֖ל  שְׁפִ֣י  וְאוֹנָ֑ם  ס  וּבְנֵ֥י  צִבְע֖וֹן  אַיָּ֥ה  וַעֲנָֽה׃  41 בְּנֵ֥י  עֲנָ֖ה  דִּישׁ֑וֹן  ס  וּבְנֵ֣י  דִישׁ֔וֹן  חַמְרָ֥ן  וְאֶשְׁבָּ֖ן  וְיִתְרָ֥ן  וּכְרָֽן׃  ס  42 בְּֽנֵי־  אֵ֔צֶר  בִּלְהָ֥ן  וְזַעֲוָ֖ן  יַעֲקָ֑ן  בְּנֵ֥י  דִישׁ֖וֹן  ע֥וּץ  וַאֲרָֽן׃  פ 

The Rulers of Edom

43 וְאֵ֣לֶּה  הַמְּלָכִ֗ים  אֲשֶׁ֤ר  מָלְכוּ֙  בְּאֶ֣רֶץ  אֱד֔וֹם  לִפְנֵ֥י  מְלָךְ־  מֶ֖לֶךְ  לִבְנֵ֣י  יִשְׂרָאֵ֑ל  בֶּ֚לַע  בֶּן־  בְּע֔וֹר  וְשֵׁ֥ם  עִיר֖וֹ  דִּנְהָֽבָה׃  44 וַיָּ֖מָת  בָּ֑לַע  וַיִּמְלֹ֣ךְ  תַּחְתָּ֔יו  יוֹבָ֥ב  בֶּן־  זֶ֖רַח  מִבָּצְרָֽה׃  45 וַיָּ֖מָת  יוֹבָ֑ב  וַיִּמְלֹ֣ךְ  תַּחְתָּ֔יו  חוּשָׁ֖ם  מֵאֶ֥רֶץ  הַתֵּימָנִֽי׃  46 וַיָּ֖מָת  חוּשָׁ֑ם  וַיִּמְלֹ֨ךְ  תַּחְתָּ֜יו  הֲדַ֣ד  בֶּן־  בְּדַ֗ד  הַמַּכֶּ֤ה  אֶת־  מִדְיָן֙  בִּשְׂדֵ֣ה  מוֹאָ֔ב  וְשֵׁ֥ם  עִיר֖וֹ  [עֲיֹות  כ]  (עֲוִֽית׃  ק)  47 וַיָּ֖מָת  הֲדָ֑ד  וַיִּמְלֹ֣ךְ  תַּחְתָּ֔יו  שַׂמְלָ֖ה  מִמַּשְׂרֵקָֽה׃  48 וַיָּ֖מָת  שַׂמְלָ֑ה  וַיִּמְלֹ֣ךְ  תַּחְתָּ֔יו  שָׁא֖וּל  מֵרְחֹב֥וֹת  הַנָּהָֽר׃  49 וַיָּ֖מָת  שָׁא֑וּל  וַיִּמְלֹ֣ךְ  תַּחְתָּ֔יו  בַּ֥עַל  חָנָ֖ן  בֶּן־  עַכְבּֽוֹר׃  50 וַיָּ֙מָת֙  בַּ֣עַל  חָנָ֔ן  וַיִּמְלֹ֤ךְ  תַּחְתָּיו֙  הֲדַ֔ד  וְשֵׁ֥ם  עִיר֖וֹ  פָּ֑עִי  וְשֵׁ֨ם  אִשְׁתּ֤וֹ  מְהֵיטַבְאֵל֙  בַּת־  מַטְרֵ֔ד  בַּ֖ת  מֵ֥י  זָהָֽב׃  51 וַיָּ֖מָת  הֲדָ֑ד  ס  וַיִּהְיוּ֙  אַלּוּפֵ֣י  אֱד֔וֹם  אַלּ֥וּף  תִּמְנָ֛ע  אַלּ֥וּף  [עַלְיָה  כ]  (עַֽלְוָ֖ה  ק)  אַלּ֥וּף  יְתֵֽת׃  52 אַלּ֧וּף  אָהֳלִיבָמָ֛ה  אַלּ֥וּף  אֵלָ֖ה  אַלּ֥וּף  פִּינֹֽן׃  53 אַלּ֥וּף  קְנַ֛ז  אַלּ֥וּף  תֵּימָ֖ן  אַלּ֣וּף  מִבְצָֽר׃  54 אַלּ֥וּף  מַגְדִּיאֵ֖ל  אַלּ֣וּף  עִירָ֑ם  אֵ֖לֶּה  אַלּוּפֵ֥י  אֱדֽוֹם׃  פ 

Study Bible © 2011 - 2013 by Biblos.com in cooperation with Helps Ministries. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Section Headings Courtesy INT Bible © 2012, Used by Permission

Bible Hub

2 Kings 25
Top of Page
Top of Page